2010年11下旬,我遇見了這3隻小可愛,佢地係我公司老闆從人家既車房收養返黎,狗媽媽一胎生左5隻2男3女.兩隻狗b仔已經有人認養.得返呢3隻無人要,所以我老闆就攞晒返黎,都唔知係咪一件好事~
左邊淺色d個隻女~叫做多士,個名好似好可愛,但其實係..佢食飽就痾好多屎^^取其鞋音,就叫多士啦^^
右邊深色d大隻d既叫做肥妹,因佢比起呢兩隻係特別大隻,食量仲唔小tim^^
中間既就係我寶貝女~矇矇,個樣成日都矇下矇下咁,食又唔夠人爭,打又唔夠人打,就係呢個原因,我特別關注佢!!
雖然係同胎,但我地真係唔知邊個係家姐,邊個係細妹,所以我地就由佢地既身形黎幫佢排次序
肥妹~最大隻又肥,佢當然係大家姐啦~
多士~唔肥唔瘦,就二家姐啦~
亞矇~又細又瘦,仲唔係排第尾^^
矇矇係我地倆口子人生第一隻寵物，亦即係第一隻寶貝囡^^當時我地好多野都唔識，唔知點教佢定點開大小，唔知點教佢唔好咬人 ,有好多個唔知.....
就係一個決定改變左我地的世界,而個決定就係帶左矇矇返屋企將佢私有化,點解會係佢,而唔係肥妹或者多士呢??我都唔知...呢個就係上天既安排^^
呢張相就係第一日帶佢返黎時影低 , 矇矇當時既眼神.....帶點無奈...無咩焦點.
轉眼就咁大隻喇^^呢張相應該係6個月大左右~眼神都唔同左,顏色都淺左d^^
自從養左矇矇之後,我地每晚收工都即刻返屋企帶埋佢出街,去邊都好一定帶住佢,佢唔去得既地方就會係車到瞓住覺等我地....當我地行返去車既時候...佢好醒目必定彈起身迎接^^個場面好攪笑^^其實可以話...有聲緊彈起身架啦 ! 係 ! 無錯 ! 用呢個想法係正常的,但我地試過(哩)埋裝佢..有路人甲乙丙行過..佢係唔會理會,唔會彈個頭上黎,而我地專登放輕腳步行過去,矇矇係認得我地d腳步聲,佢會彈起身...佢係知架,知係爹地媽mi黎架^^好好笑^^
